Երկար ապրելու գաղտնիքն ըստ ճապոնացիների

Եթե ցանկանում եք ավելի երկար ապրել, ապա սնվեք այնպես, ինչպես ճապոնացիները։  Միացյալ Թագավորության Ազգային վիճակագրական գրասենյակի կողմից հրապարակված ուսումնասիրությունը  ցույց է տվել, որ ճապոնական սննդակարգը իր մեջ ներառում է հում ձուկ, բանջարեղեն եւ կանաչ թեյ, որի շնորհիվ ճապոնացի կանայք ապրում են 86,4 տարի,այսինքն՝ չորս տարով ավելի, քան իրենց անգլիացի գործընկերները (անգլիացիները ապրում են 82.8 տարի)։

Սա կյանքի տեւողության  ամենաբարձր ցուչանիշն է, որն արձանագրվել է ուսումնասիրության մեջ ընդգրկված երկրներում, նշում է Newsmax Health-ը՝ հղելով Independent-ին։

Ավանդական ճապոնական սննդակարգը բաղկացած է ավելի քիչ կալորիա պարունակող մթերքներից, քան արեւմտյան դիետաները, եւ ուտեստները սովորաբար մատուցվում են փոքր չափաբաժիններով։ Ճապոնական սննդակարգը իր մեջ նաեւ ներառում է սոյա, բանջարեղեն եւ կոմբու ջրիմուռ։

Միջին հաշվարկներով յուրաքանչյուր ճապոնացի ուտում է 25%-ով ավելի քիչ կալորիա պարունակող սնունդ, քան Արեւմուտքում ապրող մարդիկ։

Հարցեր, պատասխաններ, մեկնաբանություններ